Seminarlar
Azərbaycan Respublikasındailk Mülki Məcəllə: 100illik tarix
1923-cü il Mülki Məcəlləsinin 100 illiyinə həsr olunmuş elmi konfrans 15 dekabr 2023-cü ildə Hüquq fakültəsi və ADA Hüquq Cəmiyyətinin təşəbbüsü ilə ADA Universitetində keçirildi.
15 dekabr 2023-cü ildə ADA Universitetinin Hüquq fakültəsi və ADA Hüquq Cəmiyyətinin təşəbbüsü ilə Universitetdə “Azərbaycan Respublikasında ilk Mülki Məcəllə: 100 illik tarix” adlı elmi konfrans keçirildi. Konfransda dövlət və özəl sektorun rəhbər vəzifəli nümayəndələri, ADA Universiteti və Azərbaycanın digər universitetlərinin hüquq fakültələrinin müəllim və tələbələri iştirak etdi.
Konfrans dekan Dr. Rəşad İbadovun açılış nitqi ilə başladı. Məruzələrdə 1923-cü il Mülki Məcəlləsinin tarixi, Mülki Məcəllənin yenilikləri və müasir çağırışları, Roma hüququnun mülki hüquqa təsiri, kommersiya münasibətlərinin mülki hüquqda yeri, 1923-cü il Məcəlləsinin müasir Mülki Məcəllə ilə müqayisəsi və Alman Mülki Məcəlləsinin Azərbaycan Respublikasının Mülki Məcəlləsinə təsiri araşdırıldı. Sonda Cəmiyyətin üzvləri onun bugünkü fəaliyyəti və gələcək planları barədə məlumat verdilər.
Fotoqalereya
